Opinión
Viceministra de Interculturalidad
del Ministerio de Cultura
Non Perú ikainra jake nato 50 join meskokeskati yoyo ikaibo: 48 jan joinbiribi ikanai, jaskaribi lengua de señas peruananin itan ja nawa join ikanaibo. Non onanke jatibicha ikanai ja nawan joi axei, nato 16% (4 millones winoa) nato 48 lenguas indígenas jaton joipari onanax japekao nawa join axekana iki ja non país ikain.
Jaskaaxon nato koshi joibo senen ati kopi ja non joinbiribi yoyo iti, nato 2011 baritia pikokana iki nato Ley Nº 29735, janra regulanai el uso, preservación, desarrollo, recuperación, fomento itan difusión de nato lenguas originarias del Perú, ja joibo senen akanti jake nato apo betan tetaibo itan ja privadabo jato jan joibiribi jato yoyo atana jato akinti. Jaskaribi, pikokana iki na to wetsa koshi joi Política Nacional de Lenguas Originarias, Tradición Oral e Interculturalidad 2040 kaman nato iki kai, jaskaaxon nato koshi joibo senen ati kopi ja non joinbiribi yoyo iti.
Jaskara ikax, nato Ministerio de Culturanin aka iki shinankin jaskaaxon ja apobetan tetaibo ja wetsa yoyo ikaibo jaton joinbiribi yoyo atana jato akinti, ja join onanke ixon itan jaorato tetaiboki ja wetsa joibo onana ixon jato certificanai; ramakaman akana iki certificankin 2,756 ja joni apobetan tetaibo nato join ikaibo quechua itan aimara neno Apurímac, Cusco, Ayacucho itan Puno ikain, jabora tetai nenobo Diresa, Policía Nacional, Banco de la Nación ikain, itan wetsankoboribi, jaskatax ja wetsa join yoyo ikaibo jaton joibiribi jato yoyo atana jato akinti kopi.
Jaskaribi, non aka iki formankin 508 intérpretes iamax traductores nato 37 lenguas indígenas u originariasnin, jatobora wishakata ikanai nato Registro Nacional de Intérpretes itan Traductores de Lenguas Indígenas u Originarias ikain, neskara wishakakana ikatonin jato akinai ja apobetan tetaibo itan ja privadado jato teeti beti nato traductores e intérpretes natobo riki Ministerio de Culturanin jato moa acreditana. Non yoiribati jake, nato Ministerio de Culturanin aka iki akin nato “Servicio de Interpretación itan Traducción en Lenguas Indígenas u Originarias para Situaciones de Emergencia”, jaskaaxon jato kenakanketian jato akinti nato Central de Interpretación itan Traducción en Lenguas Indígenas u Originarias (CIT) meran, jaorato joniboki jaton joinshamanbiribi ea ninkamawe iketian jato akinon ixon ja apobetan tetai bebon ikax.
Neskara itan wetsa teebo axon non shinanai jakon-jakon abainresti ja neskara jaweki non peowa ja nato apo betan tekin, jaskaaxon jaorato joiboki keyokasai koshi abainribiti itan jaskaaxon wetsabaonribi onana itan yoyo ikanaribi iti kopi. Nato tee chibanresti kopi iti jake jatibiki noa mia mepia itan akinana jabora iti jake gobiernos regionalbo itan localbo. Westiora estado icha join yoyo ikaiboya iti jake jayata jaskaaxon onana jato akinti senen derecho itan opotunidadesyabo noa iti kopi, itan noa jaskatax noa ochoma-ochomakainai westiora Estado interculturalbicho keska iti kopi.
El Diario Oficial El Peruano no se solidariza necesariamente con las opiniones vertidas en esta sección. Los artículos firmados son responsabilidad de sus autores.